ညအိပ်ရာဝင်ချိန် ဖုန်းကြည့်နေတုန်းကျ မျက်လုံးလေးတွေမှေးစင်းလာပြီး အိပ်မယ်လည်း ကြံလိုက်ရော အိပ်မပျော်တော့ဘဲ မျက်စိကြောင် သွားတာမျိုး ကြုံကြဖူးမှာပါ။ ဒါဟာ ဘာကြောင့်လဲဆိုရင် ဖုန်းမျက်နှာပြင်က အပြာရောင်အလင်း (Bluelight)တွေက မျက်လုံးကို ညောင်းညာထိခိုက်စေတာကြောင့် အိပ်ချင်သွားတာဖြစ်ပါတယ်။ အိပ်မယ်ဆိုပြီး ဖုန်းပိတ်လိုက်တော့ အပြာရောင်အလင်းနဲ့ဝေးသွားတာဖြစ်လို့ မျက်လုံးက ပြန်လန်းဆန်းကြည်လင်ပြီး အိပ်မရတော့တာဖြစ်ပါတယ်။👀👀
Online Learning တွေများလာတဲ့ ဒီနေ့ခေတ်ပညာရေးနဲ့အတူ ဖုန်းကြည့်ပါများတဲ့ Lifestyle ကြောင့် သားသားမီးမီးလေးတို့ရဲ့ မျက်လုံးကျန်းမာရေး ကို အရင်ထက်ပိုပြီးဂရုစိုက်ပေးဖို့ လုံးဝမမေ့သင့်ပါဘူးနော်။ အကယ်၍ ကိုယ့်မိသားစုထဲမှာ အမြင်အာရုံအားနည်းတဲ့သူ၊ မျက်လုံးနဲ့ပတ်သက်တဲ့ရောဂါဖြစ်ဖူးသူရှိမယ်ဆို သားသားမီးမီးတို့မှာလည်း ဖြစ်နိုင်ခြေများပါတယ်။ ဒါကြောင့် မျက်စိအထူးကုဆရာဝန်များနဲ့တိုင်ပင်ပြီး ကာကွယ်ကုသမှုတွေလုပ်သင့်ပါတယ်။ Eye Screening Test လို့ခေါ်တဲ့ အမြင်အာရုံစစ်ဆေးမှုတွေကို ပုံမှန်လေး အသက်အရွယ်အလိုက်လုပ်သွားသင့်ပါတယ်။ ရယ်ဒီမိတ်အစားအစာတွေအစား ဟင်းသီးဟင်းရွက်၊ အသီးအနှံလေးတွေများများပိုကျွေးပြီး စားတတ်အောင်လေ့ကျင့်ပေးထားသင့်ပါတယ်။ ဒါမှလည်း မျက်လုံးကျန်းမာရေးအတွက် လိုအပ်တဲ့ဗီတာမင်တွေရရှိမှာပါ။ ကမ်းခြေနဲ့ အခြားပူပြင်းတဲ့ဒေသတွေကို ခရီးထွက်တဲ့အခါ ကလေးတပ်တဲ့နေကာမျက်မှန်လေးတွေ မဖြစ်မနေတပ်ပေးသင့်ပါတယ်။ ဒါပေမဲ့ အပြင်ထွက်ဆော့ကစားတာ၊ ပန်းခြံထဲလမ်းလျှောက်တာ၊ သဘာဝနဲ့ထိတွေ့ပေးတာတွေက အမြင်အာရုံကြည်လင်စေလို့ နေအရမ်းမပူတဲ့အချိန်တွေမှာ ကလေးကို အပြင်ထွက်လည်စေချင်ပါတယ်။ ကလေးတွေရဲ့သဘာဝအရ တွေ့ကရာလျှောက်ကိုင်ပြီး မျက်လုံးကိုပွတ်မိတာမျိုးဖြစ်တတ်တဲ့အတွက် ပိုးသတ်ဆေး၊ ဓာတုပစ္စည်းပါတဲ့ဆေးတွေ၊ ပစ္စည်းတွေကို ကလေးတွေနဲ့ဝေးရာထားပေးပါ။…
