လည်ပင်းအရှေ့ပိုင်းနဲ့ ဂုတ်ပိုး ခဏခဏနာနေတာ ဘာကြောင့်လဲ
လည်ပင်းအရှေ့ပိုင်းနဲ့ ဂုတ်ပိုး တွေခဏခဏနာနေလား? ဒါက ဘာကြောင့်များပါလိမ့်။ ကိုယ်ခံစားရတဲ့နာကျင်မှုပုံစံကိုကြည့်ပြီး ဘာဖြစ်နေလဲ၊ ဘာကြောင့်နာလဲဆိုတာ ဆန်းစစ်ကြည့်ရအောင်! ကြွက်သားနာကျင်ခြင်းအကြာကြီးခေါင်းငုံ့ထားရတာလို အပြင်ပိုင်းဖိအားများတဲ့လှုပ်ရှားမှုတွေနဲ့ စိတ်ပိုင်းဆိုင်ရာ Stress တွေကြောင့်ဖြစ်တတ်ပါတယ်။ Muscle Spasm အာရုံကြော(သို့) Spinal Disc ကိုထိခိုက်မိပြီး ရုတ်တရက်ကြွက်သားတွေတင်းပြီးနာကျင်တာမျိုးဖြစ်ပါတယ်။ များသောအားဖြင့် မနက်အိပ်ရာနိုးချိန် လည်ပင်းနားမှာတင်းပြီးနာကျင်နေတာမျိုးကို ခံစားရနိုင်ပါတယ်။ ခေါင်းကိုက်ခြင်းလည်ပင်းအပေါ်ပိုင်းနဲ့ဂုတ်ပိုးတွေမှာ စူးပြီးကိုက်ခဲခြင်းဖြစ်ပါတယ်။ လည်ပင်းကိုလှုပ်ရှားလေလေ ၊ပိုနာလေလေပါပဲ။ အဆစ်နာခြင်းလည်ပင်းနားက အဆစ်နာကျင်ရောင်ရမ်းခြင်းဖြစ်ပြီး ဖြစ်နေတဲ့ဘက်ကိုခေါင်းစောင်းမိရင် ပိုနာသွားနိုင်ပါတယ်။ မနက်ပိုင်းနဲ့ လှုပ်ရှားမှုမရှိတဲ့အချိန်တွေမှာ ပိုနာတတ်ပါတယ်။ အာရုံကြောရောင်ခြင်းအာရုံကြောရောင်ရမ်းပါက လည်ပင်းသာမက ဆက်စပ်နေတဲ့လက်မောင်း၊ လက်ဖျံတွေအထိ ပြင်းပြင်းထန်ထန်နာကျင်မှုကို ခံစားရနိုင်ပါတယ်။ အရိုးနာကျင်ခြင်းအဖြစ်နည်းပေမယ့် ပြင်းထန်တဲ့ရောဂါဖြစ်တာကြောင့် လည်ပင်းရိုးနားတဝိုက်နာကျင်နေပြီဆို လိုအပ်တဲ့ကုသမှုကိုအမြန်ဆုံးခံယူသင့်ပါတယ်။
