မိုးတွင်းမှာ အမြဲလုပ်သင့်တဲ့ အကြောလျှော့ လေ့ကျင့်ခန်းများ
မိုးအေးအေးနဲ့ အိပ်ရာထဲကွေးလို့ကောင်းတုန်းလား? ကွေးပါများပြီး ခန္ဓာကိုယ်တစ်ခုလုံးညောင်းချိနေနိုင်တာကြောင့် အကြောလျှော့ လေ့ကျင့်ခန်း လောက်တော့ လုပ်ပေးသင့်ပါတယ်။ မိုးတွင်းမှာ လုပ်ပေးသင့်တဲ့ အကြောလျှော့ လေ့ကျင့်ခန်း အချို့ကို ဖော်ပြပေးရင်း ကောင်းကျိုးအချို့ကိုလည်း ပြောပြပေးချင်ပါတယ်။ အချိန်တိုင်း မိုးရွာနေတာနဲ့ပဲ အပြင်ထွက်ပြီးလေ့ကျင့်ခန်းမလုပ်ဖြစ်တဲ့အခါ အများစုခံစားရတာက ခေါင်းမကြည်တာပါပဲ။ အကြောလျှော့ နေချိန်မှာ အသက်ရှူသွင်းရှူထုတ်မှန်မှန်လုပ်ရင်း ဦးနှောက်ဆီအောက်စီဂျင်ရောက်ရှိတာကြောင့် ခေါင်းကြည်လင်စေပါတယ်။ လှုပ်ရှားမှုနည်းတာနဲ့အတူ အဆစ်အမြစ်တွေက အကွေးအဆန့်လုပ်တဲ့အခါ မသွက်လက်တော့ပဲ လေးလံနာကျင်နေတတ်ပါတယ်။ အကြောလျှော့ ပေးလိုက်မယ်ဆို အရိုးအဆစ်တွေက လှုပ်ရှားရပိုသွက်သွားပြီး ပေါ့ပေါ့ပါးပါးရှိသွားမှာပါ။ အိပ်ရာထဲကွေးပြီး ပြန်ထလိုက်တဲ့အခါ ကြွက်သားတွေ ညောင်းသလို၊ နာသလိုဖြစ်တတ်ပါသေးတယ်။ ဒါပေမဲ့စိတ်မပူပါနဲ့။ မနက်တိုင်း ဒါမှမဟုတ် ညနေတိုင်းအကြောလျှော့မယ်ဆို ကြွက်သားတွေပြေလျော့ပြီး စိတ်လည်း လေးလံမနေတော့ပဲ relax ဖြစ်သွားပါလိမ့်မယ်။ အကြောလျှော့ ရင်းနဲ့ တစ်ခါတည်း ကိုယ်ခံအားမြင့်တင်ပြီးသားဖြစ်အောင် လုပ်သင့်တာကတော့…