ယနေ့ စက်တင်ဘာ ၂၆ရက်နေ့က
ကမ္ဘာ့သားဆက်ခြားခြင်းဆိုင်ရာအထိမ်းအမှတ်နေ့ (World Contraception Day)ဖြစ်ပါတယ်။
သားသမီးမလိုချင်သေးတဲ့ ချစ်သူ၊စုံတွဲ၊ လင်မယားတွေအနေနဲ့ မိမိနဲ့ ကိုက်ညီတဲ့ သန္ဓေတားနည်းလမ်းကိုရွေးချယ်ဖို့ စဉ်းစားရခက်မနေဘဲ အားသာချက်၊ အားနည်းချက်တွေ ကိုနှိုင်းယှဉ်ကြည့်လို့ရအောင် သားဆက်ခြားနည်းလမ်းတွေကို စုစည်းပြီးဖော်ပြလိုက်ပါတယ်။
ဖျားနာခြင်း၊ အအေးမိနှာစေးခြင်း၊ ချောင်းဆိုးခြင်းတွေဖြစ်တဲ့အခါ အိမ်မှာပဲ သင့်တော်တဲ့ဆေးတွေသောက်ရင်း သက်သာနိုင်အောင် အိမ်သုံးဆေးဝါးများ ပါရှိနေတဲ့ ဆေးသေတ္တာလေးတစ်လုံးတော့ ထားရှိသင့်ပါတယ်။ အထူးသဖြင့် ကလေးသူငယ်တွေရှိတဲ့မိသားစုတွေမှာ ကလေးရုတ်တရက်နေမကောင်းဖြစ်တဲ့အခါ တိုက်ကျွေးနိုင်ဖို့ ဆေးသေတ္တာရှိသင့်ပါတယ်။ ဒီဆေးသေတ္တာထဲ ဘာဆေးတွေ အလွယ်တကူဆောင်ထားရမလဲဆိုတာ ပြောပြပေးပါမယ်။ ပါရာစီတမော ပါရာစီတမောက မသိသူမရှိတဲ့အကိုက်အခဲပျောက်ဆေးဖြစ်သလို နာကျင်မှု၊ ကိုက်ခဲမှုနဲ့ အဖျားတက်တဲ့အခါတွေမှာ 4-6 နာရီခြားပြီး သောက်ပေးနိုင်ပါတယ်။ နို့တိုက်မိခင်တွေနဲ့ ကိုယ်ဝန်ဆောင်တွေလည်း သောက်နိုင်ပါတယ်။ Ibuprofen ခေါင်းကိုက်တာ၊ သွားကိုက်တာ၊ ကြွက်သားနာကျင်တာ၊ ဓမ္မတာလာစဉ်နာကျင်တာနဲ့ အဆစ်အမြစ်နာတာတွေကို သက်သာစေတဲ့ဆေးဖြစ်ပါတယ်။ ရောင်ရမ်းနာကျင်မှုတွေနဲ့အတူ အဖျားတက်တာကို ကုသပေးပါတယ်။ သွေးတိုးတတ်သူ၊ ကိုယ်ဝန်ဆောင်နဲ့ အစာအိမ်ဝေဒနာရှိနေသူတွေအတွက်တော့ သောက်သုံးရန်မသင့်တော်ပါဘူး။ Antihistamines Allergy ဓာတ်မတည့်မှုတွေအတွက် သောက်သုံးရန်ဖြစ်ပါတယ်။ အင်းဆက်တွေ အကိုက်ခံရတာ၊ ဆူးစူးမိပြီး ဓာတ်မတည့်တာ၊ ပန်းဝတ်မှုန်နဲ့မတည့်တာ၊ ပျားတုပ်ခံရတာ၊…
အာဟာရမျှတအောင်စားပေးခြင်းနဲ့ပတ်သက်ပြီး အများစုခံယူထားတဲ့အယူအဆတွေထဲ မှားယွင်းနေတာလေးတစ်ချို့ကိုပြောပြပေးချင်ပါတယ်။ အဆီမစားလေလေ…ကောင်းလေလေ။ တိရစ္ဆာန်အဆီနဲ့ ဆီကြော်တွေ၊ ဟင်းအဆီအနှစ်တွေရှောင်တာတော့ မှန်ပေမဲ့ ခန္ဓာကိုယ်အတွက်အရေးပါတဲ့ အိုမီဂါ-3 လိုကောင်းမွန်တဲ့အဆီကိုတော့ လိုအပ်ပါတယ်နော်။ ကိုယ်အလေးချိန်ထိန်းဖို့ ဆန်နဲ့ဂျုံဆိုရှောင်မယ်။ ဆန်နဲ့ဂျုံတွေက ခန္ဓာကိုယ်မှာလိုအပ်တဲ့စွမ်းအင်ကိုပေးစွမ်းနိုင်တာကြောင့် လုံးဝရှောင်စရာမလိုပါဘူး။ ချင့်ချိန်စားသုံးရင်ရပါတယ်။ Detox diet နဲ့ ဖျော်ရည်တွေ ပုံမှန်သောက်သင့်တယ်။ ခန္ဓာကိုယ်မှာ အဆိပ်အတောက်တွေကို စစ်ထုတ်ဖို့ အသည်းနဲ့ကျောက်ကပ်ကဆောင်ရွက်ပေးနေကျပါပဲ။ သူတို့ရဲ့လုပ်ငန်းဆောင်တာကောင်းမွန်ဖို့ အစားစုံအောင်စားပေးဖို့ပဲလိုအပ်ပါတယ်။ တကူးတက Detox လုပ်စရာမလိုပါဘူး။ ကြက်ဥအနှစ်ဆို မစားနဲ့ ။ ကြက်ဥအနှစ်က ကိုလက်စထရောကိုတက်စေတာမှန်ပေမဲ့ တစ်နေ့ကို တစ်လုံးနှစ်လုံးစားရုံနဲ့ ကျန်းမာရေးကိုထိခိုက်သွားမှာမဟုတ်ပါဘူး။ အချို့သူတွေမှာ ဆယ်လုံးနဲ့အထက်စားဖြစ်နေမှသာ ချင့်ချိန်ပြီးရှောင်ခိုင်းတာဖြစ်ပါတယ်။ #z_waka_healthcare#z_waka
မိန်းကလေးတွေအနေနဲ့ တချို့နေ့တွေမှာ အကောင်းမြင်စိတ်တွေနဲ့ပျော်ရွှင်နေသလောက် တချို့နေ့တွေမှာတော့ ဘာကိုမှစိတ်တိုင်းမကျဖြစ်နေတတ်တာဘာကြောင့်ပါလဲ? အဓိကအကြောင်းရင်းကတော့ ဟော်မုန်းကြောင့် ပဲဖြစ်ပါတယ်။ အီစထရိုဂျင်ဟော်မုန်းဟာ ဓမ္မတာ မလာခင်ရက်သတ္တပတ်ကစလို့ စတင်ကျဆင်းလာပါတယ်။ ဒီကနေရာသီအကြိုဝေဒနာကို ခံစားရပြီး အဓိကအားဖြင့်ဓမ္မတာမပေါ်မီကာလမှာ စိတ်လှုပ်ရှားမှု၊ဝမ်းနည်းမှု၊ ဒေါသထွက်မှုတွေကို ပိုပြီးခံစားရစေပါတယ်။ အမျိုးသမီး (၁၀) ယောက်မှာ (၉) ယောက်က premenstrual syndrome (PMS) လက္ခဏာများတွေ့ရပါတယ်။ PMS ရဲ့ လက္ခဏာများအနေနဲ့ ဓမ္မတာရက်မတိုင်မီ ၅ရက်ခန့်မှ ၇ရက်ခန့်အလိုမှာဖြစ်တတ်ပါတယ်။ အများဆုံးရောဂါလက္ခဏာများကတော့ – စိတ်အပြောင်းအလဲများ၊ ရင်သားနာကျင်ခြင်း၊ ဝက်ခြံပေါက်ခြင်း၊ ခေါင်းကိုက်ခြင်း၊ ပင်ပန်းလွယ်ခြင်း၊ အစားအသောက်ပျက်ခြင်း(သို့) အလွန်စားသောက်ခြင်း၊ လိင်စိတ်လျော့ခြင်း စတဲ့လက္ခဏာတွေပဲဖြစ်ပါတယ်။ ဓမ္မတာလာပြီးအချိန်အနည်းငယ်အကြာမှာတော့ စိတ်နေသဘောထား၊ မျှော်မှန်းချက်၊ ယုံကြည်စိတ်ချမှုနဲ့အကောင်းမြင်မှုတို့ ကို ပြန်လည်ခံစားရနိုင်ပါတယ်။ သုတေသန တစ်ခုအရတစ်လလုံးပုံမှန်လေ့ကျင့်ခန်းလုပ်သူများကပြင်းထန်တဲ့ PMS လက္ခဏာများ မပြသဘူး…
သွေးလွန်တုပ်ကွေးရောဂါ က တစ်ကြိမ်ထက်ပိုပြီးဖြစ်နိုင်ပါသလား? ဒီမေးခွန်းနဲ့ပတ်သက်ပြီး အဖြေလေးကတော့ သွေးလွန်တုပ်ကွေးရောဂါက တစ်ခါဖြစ်ပြီးလည်း နောက်တစ်ခါထပ်ဖြစ်နိုင်ခြေရှိပါသေးတယ်။ သွေးလွန်တုပ်ကွေးအမျိုးအစား (၄) မျိုးအထိရှိပြီး လူတစ်ယောက်က သွေးလွန်တုပ်ကွေးအမျိုးအစား နှစ်မျိုး ဒါမှမဟုတ် နှစ်မျိုးထက်ပိုပြီးဖြစ်နိုင်ပါတယ်။ သွေးလွန်တုပ်ကွေးရောဂါထပ်မဖြစ်စေဖို့ သိထားသင့်တဲ့ “S” လေးလုံးကို ပြောပြပေးပါရစေ။ Search ရှာဖွေပါ။ ခြင်ခိုအောင်းနေနိုင်တဲ့ ရေအိုးအဟောင်း၊ ရေအိုင်၊ မြောင်း၊ စည်ပိုင်းတွေကိုရှာဖွေပြီး ရေတွေသွန်ပစ်ပါ။ ချုံနွယ်တွေ ရှာပြီး ရှင်းလင်းပါ။ Self Protection ကိုယ်တိုင်ကာကွယ်ပါ။ ခြင်ကိုက်မခံရအောင် ခြေလက်ဖုံးတဲ့အဝတ်အစားတွေဝတ်ပါ။ ခြင်ထောင်ထောင်အိပ်ပါ။ ခြင်ကိုက်မခံရတဲ့ဆေးလူးပါ။ Say No ငြင်းဆန်ပါ။ ဘာကိုငြင်းဆန်ရမလဲဆိုတော့ စနစ်တကျမရှိဘဲ ပတ်ဝန်းကျင်မှာခြင်ဆေးဖျန်းခြင်းကို ငြင်းဆန်ရမှာပါ။ မိုးစိုတာ၊ လေတိုက်တာ စတဲ့အချက်တွေကြောင့် ခြင်ဆေးဘယ်လောက်ဖျန်းဖျန်း ခြင်တွေကိုမသေစေဘဲ ပိုပြီးခံနိုင်ရည်ရှိအောင်လုပ်မိသလိုဖြစ်သွားတတ်ပါတယ်။ ဒါကြောင့် ခြင်ဆေးဖျန်းမယ်ဆို စနစ်တကျလုပ်ဖို့လိုအပ်ပါတယ်။…
ကိုယ်ဝန်ဆောင်ချိန် ဟာ အမျိုးသမီးတွေအတွက် အထူးဂရုစိုက်ရမယ့်အချိန်ဖြစ်ပြီး ကိုယ်အလေးချိန်ကလည်း မိခင်ရော ကလေးအတွက်ပါ အရေးကြီးတဲ့ အခန်းကဏ္ဍမှာ ပါဝင်ပါတယ်။ ကိုယ်ဝန်ဆောင်ချိန် ဝိတ်တက်ခြင်း ကိုယ်ဝန်ဆောင်ချိန်မှာ တဖြည်းဖြည်းကြီးထွားလာတဲ့ ကလေးငယ်ရဲ့ ကိုယ်အလေးချိန်၊ မိခင်ဝမ်းဗိုက်အတွင်းမှာ ကလေးငယ်ကို ကာကွယ်ပေးတဲ့ အချင်းနဲ့ ရေမြွှာရည်ရဲ့ အလေးချိန်၊ သွေးနဲ့ အရည်များ၊ ကလေးငယ်ကြီးထွားဖို့နဲ့ နို့တိုက်ကျွေးဖို့ ခန္ဓာကိုယ်က အဆီသိုလှောင်ခြင်း စသဖြင့် အမျိုးမျိုးသောအကြောင်းရင်းတွေကြောင့် ကိုယ်အလေးချိန်တက်လာတဲ့အခါ ဒီမေးခွန်းလေးကို စဉ်းစားမိကြတဲ့ မိခင်တွေအတွက် ကိုယ်ဝန်ဆောင်ချိန်မှာ ဝိတ်ချသင့်လား၊ မချသင့်ဘူးလားဆိုတာနဲ့ ဘာတွေ ဂရုပြုသင့်လဲဆိုတာကို အောက်မှာ အသေးစိတ် ရှင်းပြပေးသွားပါမယ်။ ကိုယ်ဝန်ဆောင်ချိန်မှာ ဝိတ်ချလို့ ရလား ပုံမှန်အားဖြင့်တော့ ကိုယ်ဝန်ဆောင်ချိန်မှာ ကိုယ်အလေးချိန် လျှော့ချဖို့ မသင့်တော်ပါဘူး။ ကိုယ်အလေးချိန် လျှော့ချဖို့ ကယ်လိုရီတွေကို လျှော့စားရမှာဖြစ်တဲ့အတွက် ဒါက…
အသက် (၄၀) ကျော်ဝန်းကျင် အမျိုးသမီးတွေမှာအဖြစ်များတဲ့ကင်ဆာကတော့ သားအိမ်ခေါင်းကင်ဆာပါပဲ။ သားအိမ်ခေါင်းကင်ဆာဆိုတာ သားအိမ်ရဲ့ဘေးဘက်နံရံတွေမှာ ပုံမှန်မဟုတ်တဲ့ဆဲလ်တွေ ပျံ့ပွားလာခြင်းဖြစ်ပါတယ်။ အတွေ့အများဆုံး သားအိမ်ခေါင်းကင်ဆာကို Squamous Cell Carcinoma လို့ခေါ်ပြီး သားအိမ်ခေါင်းကင်ဆာဖြစ်ပွားသူရဲ့ (၇၀) % လောက်မှာ တွေ့ရပါတယ်။ နောက်တစ်မျိုးက Adenocarcinoma ဖြစ်ပြီး သူကတော့ (၂၅)% လောက်ပဲတွေ့ရလေ့ရှိပါတယ်။ များသောအားဖြင့် အသက် (၄၅- ၄၉) နှစ်အရွယ် အမျိုးသမီးတွေမှာ အဖြစ်များပါတယ်။ သားအိမ်ခေါင်းကင်ဆာက human papillomavirus (HPV)ကူးစက်မှု ကြောင့် အများဆုံးဖြစ်တယ်လို့ တွေ့ရှိထားပါတယ်။ နောက်ထပ် သားအိမ်ခေါင်းကင်ဆာဖြစ်စေတဲ့အကြောင်းရင်းကတော့ ဆေးလိပ်သောက်ခြင်းပဲဖြစ်ပါတယ်။ သန္ဓေတားဆေးကို ငါးနှစ်နဲ့အထက်သောက်တဲ့အမျိုးသမီးတွေမှာ HPV ကြောင့်ကင်ဆာဖြစ်နိုင်ခြေပိုများတတ်တာကို တွေ့ရှိထားပေမဲ့ လက်တွေ့ဖြစ်တဲ့သူနည်းတာကြောင့် အရမ်းတော့စိုးရိမ်စရာမလိုပါဘူး။ အခြား ကင်ဆာဖြစ်စေတဲ့အကြောင်းရင်းတွေကတော့ ဆေးလိပ်ငွေ့ရှုမိခြင်း ကိုယ်ခံအားနည်းခြင်း မိမိကိုကိုယ်ဝန်ဆောင်ချိန်မှာ…
